Ёқуббек Қудратов "Ўзбегим Таронаси" радиосига ташриф буюрди
Бир неча таъсирли қўшиқлари ва клиплари орқали мухлисларга таниш бўлган ЁҚуббек Қудратов янги тарона ва унга ишланган видеони тақдим этди.
2-июль санаси Ёқуббек Қудратов учун унутилмас саналардан бирига айланади. Сабаби шу куни хонанда ўзининг навбатдаги янги ижод намунасини тақдим этиш билан бирга, илк марта жонли эфирга интервью учун ташриф буюрди.
"Ўзбегим Таронаси" радиосида катта ҳаяжон остида ўтган суҳбат давомида хонанданинг "Мажнунтол" номли қўшиғи премьера қилинди. Бир вақтнинг ўзида сайтимиз орқали мазкур таронага ишланган видео ҳам тақдим этилди.
ФМ 101.00 тўлқини орқали илк марта тақдим этилган янги қўшиқ янграгач, тингловчилар томонидан билдирилган илқи фикрлар хонанданинг ҳаяжонини бироз йўқотди. Суҳбат давомида Ёқуббек Қудратов ижод олмига кириб келиши ва келгуси режалари ҳақида ҳам маълумот бериб ўтди.
Сиз эса хозироқ сайтимиз томонидан тақдим этилган Ёқуббек Қудратовнинг "Мажнунтол" номли таронасини нафақат тинглашингиз, балки унга ишланган видеодан ҳам баҳраманд бўлишингиз мумкин.