Манзура янги видеоклип суратга олдирди

Латофатли хонанда Манзура яқиндагина “Севиб адашдим” номли таронасини тақдим қилган эди. Қисқа фурсатда тингловчилар қалбини забт этган композиция учун хонанда видеоклип тасвирга олдирди. Тасвирга олиш ишлари пойтахтимизда ва тоғ ён бағриларида бўлиб ўтди. Хонанданинг сўзларига қараганда, ижодий гуруҳ жуда катта. Унда маҳоратли ёш ижодкорлар ҳам бор. Таниқли актрисалардан Ситора Алимжонова эса клипда бош ролни ижро қилди. Тез кунда томошабинларга ҳавола қилинадиган мазкур ижод намунаси ҳам хонанданинг омадли видеоклипларидан бири бўлади деб умид қиламиз. Ҳозирча кузатишда давом этинг ва видеоклипни кутиб қолинг.