Райҳон навбатдаги видеоклипини суратга олдирди

Эстрадамизнинг беқиёс юлдузи Райҳон  “Ҳабиби” таронасига видеоклип суратга олдирди. Бу ҳақида у инстаграм ижтимоий тармоғидаги саҳифаси орқали маълум қилди. Мазкур композицияга яратилаётган клип режиссёри Ёдгор Носиров. Унда Райҳонни бир нечта образда кўришингиз мумкин. Шунингдек, такрорланмас рақслар жилоси ҳам ушбу видео асардан ўрин олган.

 

Суратга олиш жараёни юқори кайфиятда ўтди десак, муболаға бўлмайди. Буни Райҳон ва унинг ижодий жамоаси қўйиб борган фотосуратлар, видеолавҳалардан сезиш қийин эмас. Тез кунда омма эътиборига ҳавола этилиши кўзда тутилган бу ижод намунасини кутиб қолинг.