Умидахон - Айбим недур

Истеъдодли хонанда Умидахон ёз фаслининг сўнгги ойини бир қатор янги  қўшиқлар яратиш билан ўтказмоқда. Ана шундай қайноқ ижод маҳсулларидан бири деярли тайёр. Мусиқий асар "Айбим недур" деб номланади. Композиция Шаҳбоз Носиржонов билан ҳамкорликда ёзилган. Хонанданинг сўзларига қараганда, ушбу таронага видеоклип суратга олиш режалаштирилган бўлиб, қўшиқ ҳам клип ҳам бир вақтда премьера қилиниши кўзда тутилган. Умидахоннинг кутилаётган таронаси ҳам аввалгиларидек, омадли қўшиқлардан бири бўлади ва халқимизга манзур келади деб ўйлаймиз. Премьерани тез кунда кутиб қолинг.