Хонанда Бунёдбек Саидов альбом тақдимотини ўтказди

14 июнь куни "Ниҳол" мукофоти совриндори Бунёдбек Саидовнинг иккита альбом тақдимоти бўлиб ўтди. Альбомлардан бири жорий йилда бўлиб ўтган "Устозларни эслаб" номли концерт дастурининг диски бўлса, иккинчиси янги ва сара қўшиқлардан иборат бўлган қўшиқлар тўпламидир.
Тақдимотга хонанданинг яқинлари, ҳамкасблари ва ОАВ ходимлари қатнашишди. Тадбир бошқа альбом тақдимотларидан фарқли ўлароқ фотосессия жараёни билан бошланди. Ташриф буюрган меҳмонлар хонандани бирма бир табриклаб, унга омад тиладилар. Альбом тақдимотига хонандалар Ҳусан, Ренат Собиров, режиссёр ва шоир Аҳад Қаюм ва бошқалар иштирок этишди. Бунёдбек Саидов альбом ҳақида маълумот берар экан, яқинда клиплар тўплами ҳам сотувга чиқишини маълум қилди. Унда репертуаридаги барча клиплар ўрин олиши кўзда тутилган.