Шоҳруҳхон юртимиз бўйлаб яккахон концерт дастурини тақдим қилади

Санъатимизнинг ёрқин юлдузи Шоҳруҳхон юртимиз бўйлаб "Ёнингдаман" деб номланган яккахон концерт дастурини намойиш қилади. 9 апрелдан 27 апрелгача давом этадиган концерт, Фарғона, Андижон, Бухоро, Навоий, Самарқанд, Қашқадарё вилояти ва уларнинг бир нечта туманларида бўлиб ўтади. Бу ҳали ҳаммаси эмас. Шоҳруҳхон "Қиз бола" қўшиғи учун видеоклип ҳам суратга олдирмоқда. Клип режиссёри унинг доимий ҳамкори Дилмурод Агзамов. Тасвирчи Рустам Муродов. Клип тез кунларда премьера қилиниши режалаштирилган.