Абдурашид Йўлдошевдан "Ёлғонларинг"

Элимиз ардоғидаги санъаткор, Ўзбекистонда хизмат кўрсатган артист Абдурашид Йўлдошев ҳам ҳамкасблари сингари ёзнинг жазирама кунларини тинимсиз ижод қилиш билан ўтказмоқда.
Хонанда сўнгги кунларда бир нечта янги қўшиқлар яратишга улгурди. Улардан бирини эса бугун омма ҳукмига ҳавола қилди. "Ёлғонларинг" деб номланган мусиқий асар мусиқа шинавандаларини бефарқ қолдирмаслигига шубҳамиз йўқ.
Қўшиқ муаллифларига тўхталадиган бўлсак, сўзи Акмал Саид қаламига мансуб. Мусиқаси Мусахон Нурматовга, аранжировкаси эса Аҳлиёр Азимовга тегишли.