“Серенада ижод” гуруҳидан янги тарона премьераси

Жаннатмакон ўлкамизнинг бахтли кунларида сергак туриб хизмат қилувчи ва кўплаб мухлисларга эга “Серенада ижод” гуруҳи янги ижод намунасини тақдим этди. 

“Кўзи қаро” дея ном олган тарона матни Гавҳар Шариповага тегишли. Нодир Тошхўжаев бастакорлик вазифасини бажарган бўлса, Насрулло Маматхонов аранжировкасини тайёрлаган. 

Жазирама ёз ҳароратига мос шўх ва рақсбоп оҳангдаги қўшиқ “Ўзбегим Таронаси” радиосида илк марта жаранг сочди. Премьерадан сўнг тингловчилар томонидан қабул қилинган фикрларнинг барчаси ижобий бўлиб, тингловчилар гуруҳ фаолиятиинг келгуси режаларига ҳам омад тилашди. 

Гуруҳ ижодида эса ҳақиқаттан янгиликлар бир эмас, бир қанча. Ёз мавсумида гуруҳ ижодкорлари кетма-кет янги қўшиқлар тақдим этишга шай турибдилар. Куз фаслида эса “Серенада ижод” гуруҳи мухлислари учун ажойиб туҳфа тақдим этилади. Октябрь ойининг сўнггида гуруҳ ижодкорлари пойтахтимиздаги муҳташам “Истиқлол” санъат саройида концерт дастури тақдим этишга тайёргарлик кўришмоқда. Юз фоизлик жонли ижродаги концерт дастури учун бир қатор янги ижод намуналари яратилмоқда.

Гуруҳ аъзолари қўшиқларнинг мавзусига асосий эътиборини қаратган, турли мавзулардаги ва йўналишлардаги тароналар ёзиш режалаштирилган. “Серенада ижод” гуруҳига омад тилаб қоламиз.