Халқимиз ардоғидаги санъаткор Юлдуз Усмонова янги видеоклип суратга олдирди

Ўзбекистон халқ артисти, элимиз ардоғидаги санъаткор Юлдуз Усмонова халқимиз учун яна бир совға тайёрламоқда. Бугун Юлдуз Усмонова ва уларнинг ижодий жамоаси навбатдаги видеоклип устида тасвирга олиш ишларини олиб боришди. Клип хонанданинг "Эй азиз инсон" номли янги алъбомидан ўрин олган "Ялли ялли" қўшиғи учун суратга туширилди. Тасвирга олиш ишлари "9999" студиясининг клипмейкерлари Хуршид ва Нодир Собировлар ҳамда тасвирчи Рустам Муродов иштирокида бўлиб ўтди. Юлдуз Усмонованинг мазкур клипидаги образлари устида стилист Лидия Андре ишлади.