Улуғбек Раҳматуллаев Тожикистонда яккахон концерт дастурини тақдим қилди

Ўзбекистонда хизмат кўрсатган артист Улуғбек Раҳматуллаев жорий йилдаги "Соғинч фасли" номли яккахон концерт дастурига тайёргарлик кўриш билан бирга ўз мухлисларини хурсанд қилишда давом этмоқда. Хонанда бу сафар Тожикистонлик мухлисларини ўзининг яккахон концерт дастури билан қувонтирди. Ҳўжанд ва Душанбеда бўлиб ўтган концерт кутилганидан ҳам аъло даражада қарши олинди.  Энг севимли ва дилга яқин қўшиқлар мухлисларни хушнуд этган бўлса, янги тароналар уларнинг тинимсиз олқишига сазовор бўлди. Улуғбек Раҳматуллаев бу мамлакат аҳлининг меҳри муҳаббатидан лол қолганига шубҳамиз йўқ.