Шаҳзода Муҳаммедованинг яна бир орзуси амалга ошди
Айни дамда Фарғона вилояти бўйлаб ““Буюк келажагимизни мард ва олижаноб халқимиз билан бирга қурамиз!” мазмунидаги тарғибот тадбирлари ўтказилмоқда. Мазкур тадбир давомида таниқли шоир ва ёзувчилар, кино ва театр актёрлари, санъаткорлар ва эстрада хонандалари, “Ниҳол” мукофоти совриндорлари ўқувчи ёшлар ва аҳоли ўртасида мулоқотлар олиб боришмоқда. Актриса Шаҳзода Муҳаммедова ҳам мазкур тадбир юзасидан Фарғона вилоятида меҳмон бўлди. Актрисанинг маълум қилишича, тарғибот тадбирлари давомида унинг яна бир орзуси амалга ошган.
“Фарғона вилояти, Риштон туманидаги Саид кулол хонадонларидамиз санъаткорлар билан. Мен кўза ясашни орзу қилардим ва бу орзуимга етишдим. Бу эса мен учун яна бир бахт. Ҳунармандликка, рассомликка жуда қизиқаман ва бу ҳунарларнинг бари санъат деб аталади” – дейди хонанда кулолчилик дастгоҳига ўтириб кўза ясар экан.
