Бунёдбек Саидов Нукусда концерт дастурини аъло даражада якунлади

Хушовоз хонанда Бунёдбек Саидов ваъда қилганидек, Нукус шаҳрида яккахон концерт дастури билан меҳмон бўлди. Ўзгача иштиёқ ва кайфият билан ўтказилган концерт узоқ вақт Нукуслик мухлислар ёдида қолса ажаб эмас. Концерт кутилганидан ҳам аълороқ ўтди дейди хонанда дастур таассуротлари билан бўлишар экан.

Дастурда аксарият қўшиқлар  мухлисларнинг талаб ва истакларига биноан ижро этилди. Қолаверса, сўнгги яратилган қайноқ тароналар концерт давомида премьера сифатида ижро қилинди. Хонанданинг маълум қилишича, концертдан тушган маблағнинг бир қисми оғир хасталикка чалинган бемор болакай учун хайрия қилинган. Шунингдек, бу оилага ижодий гуруҳ томонидан эсталик совғалар топширилган.