Райҳон Жаҳонгир Позилжонов билан навбатдаги видеоклипини тақдим этади

Ўзбекистонда хизмат кўрсатган артист Райҳон Ғаниева ҳамда эстрадамиз юлдузи Жаҳонгир Позилжонов “Алдамагин” деб номланган дуэт таронани тақдим қилишган эди. Райҳоннинг яккахон концертида илк маротаба жаранг сочганидаёқ ўз тингловчиларини топган мазкур мусиқий асар учун бугун видеоклип суратга олинмоқда. Клип ғояси ва режиссёри “Божалар” жамоаси ва Райҳоннинг ўзи. Улар биргаликда иш олиб боришмоқда. Тасвирчи эса Рустам Муродов. Яқин кунларда премьераси бўлиб ўтиши режалаштирилган клип қизиқарли сюжетга бой бўлиши кутилмоқда.