Сардор Мамадалиев «Ота-она дуоси» номли альбом тақдимотини ўтказди
Ўзига хос йўналишга эга бўлган халқимизнинг севимли санъаткорларидан бири Сардор Мамадалиев янги альбом тақдимотини ўтказди. Тақдимотда хонанданинг шогирдлари, мухлислари ва ОАВ ходимлари иштирок этишди. Тадбир альбомга оид саволлар билан бошланди. Унда Сардор Мамадалиев “Ота-она дуоси” номли концерт дастурининг DVD видеосидан иборат бўлган ҳамда шу номдаги мусиқий тўплам билан қисқача таништириб ўтди. Тақдимот давомида у жорий йилда яккахон концерт дастурини ўтказмаслигини, янгиликларни йиғиб, янгича йўналишдаги дастурини кейинги йилда тақдим этишини ва бундан кейин ҳар икки йилда концерт беришини ҳам айтиб ўтди.
Сўнгги янгиликлар борасида ҳам маълумот берар экан, у ижодидаги кутилмаган ва шу кунгача куйламаган жанридаги “Маматип” номли ҳазиломуз таронасини тез кунларда клипи билан бирга намойиш этишини ҳам маълум қилди.
Бешинчи концерт альбомини халқимизга тақдим қилган хонанда мазкур тўплам юртимизнинг ҳар бир гўшасига етиб боришига ва концертга кела олмаганлар бундан хурсанд бўлишларига ишонч билдирди.
Сайтимизнинг Telegram’даги расмий каналига обуна бўлинг ва янгиликларни кузатиб боринг!
https://telegram.me/popcornuztv
