Ситора Алимжонованинг опаларига аталган совғаси

Актриса Ситора Алимжонова янги ижод маҳсулини тақдим этди. Унинг “Опажоним”  номли таронаси ва клипи мухлислари томонидан илиқ кутиб олинди ва қувонтирди. Биласиз, актрисалик фаолиятида  кўпгина марраларни забт этган Ситора Алимжонова, хонандаликда ҳам яхши натижаларга эришишни бошлади. Онасидан эрта айрилган актрисанинг ҳаётида опаларининг ўрни жудаям катта. Шу сабабли айнан шу мавзуда қўшиқ куйлаб, уларга ўз миннатдорчилигини, меҳрини, севгисини билдиришни истаган Ситора бунинг уддасидан чиқди десак  адашмаймиз. Видео асарни албатта ўзингиз томоша қилиб, баҳо беришингиз мумкин.