Шохрухнинг яккахон концерт дастури бўлиб ўтди

Барчанинг севимли ижодкори Шохрух 24-25 март кунлари “Истиқлол” санъат саройида “Ижодимга 10 йил” деб номланган илк яккахон концерт дастурини ўтказди. 45 та қўшиқлардан иборат бўлган дастурда мухлислар ўзлари соғинган ва кутган барча тароналарни тинглаш, хонанда билан бирга куйлаш имконига эга бўлдилар.

Дастур уч қисмни ўз ичига олган бўлса, ҳар бир блокда хонанда жонли ижрода ўз қўшиқларини куйлашга мувофақ бўлди. Концертга ташриф буюрган мухлислар хонандани қанчалик соғинганлиги ва унга бўлган меҳрини қўшиқларга жўр бўлиб, олқишлар билан билдиришди.