Тез кунда Лоладан янги хит - “Билмайсан”
Санъатимизнинг порлоқ юлдузи, латофатли Лола ҳозирда яккахон концерт дастурига катта тайёргарлик кўриш билан бирга, яна бир қатор лойиҳалар устида ишламоқда. Айни дамда кузнинг кун-у тунини овоз ёзиш студиясида ўтказаётган хонанда яқин кунларда яна бир янги таронани тақдим этишини маълум қилди. Маълумотларга қараганда, у ҳозирда серқирра ижодкорлар Сарвар ва Комил билан бирга “Билмайсан” номли қўшиқ яратиш билан банд. Мазкур жараён ҳақида инстаграм ижтимоий тармоғи орқали ижодкорлар маълум қилишди. Улар бу композиция устида деярли бир ой мобайнида иш олиб боришди. Қўшиқ деярли тайёр. 7-ноябрь куни оммага намойиш этилиши кўзда тутилган мусиқий асар тингловчилар қалбини қай даражада забт этар экан? Буни албатта премьерадан сўнг билиб оламиз.
Ҳа айтганча, бугун соат 20:00да “Ўзбегим Таронаси” радиосида латофатли Лола билан жонли суҳбат бўлиб ўтади. Ўтказиб юборманг ва бизни кузатишда давом этинг.
Сайтимизнинг Telegram’даги расмий каналига обуна бўлинг!