Тез кунда Баҳром Назаровдан янги видеоклип “Лола”

Хушовоз хонанда Баҳром Назаров айни дамда янги лойиҳалар устида ишламоқда. Ёзнинг жазирама кунларини янги қўшиқлар яратиш билан ўтказаётган хонанда “Лола” деб номланган янги бир ижод маҳсулига видеоклип тасвирга олдирди.

Суннат Намозов режиссёрлигида тасвирга олинаётган клипнинг ғояси Фарҳод Бадалов ҳамда Суннат Намозовга тегишли. Трек ва сюжет жанридаги бу видео асар икки кун мобайнида суратга олинди.

Ўйлаймизки, бу тарона ва унга ишланаётган клип халқимиз орасида аввалгилари каби оммалашади.

Хонандадан яна бир янгилик. Баҳром Назаров куз фаслида ўзининг навбатдаги яккахон концерт дастурини ўтказишни режалаштирган. Мазкур дастур ҳақида тез кунларда батафсил маълумот бериб ўтамиз. Ҳозирча “Лола” клипини тасвирга тушириш жараёнидан тақдим қилинган фотосуратларни томоша қилинг.