OAZIS гуруҳидан ваъда қилинган қўшиқ

Бир неча кун олдин OAZIS гуруҳи сирли қўшиқ яратгани ва бу қўшиқ премьера арафасида экани ҳақида маълум қилган эдик. Ваъдага мувофиқ улар, мазкур ижод намунасини юртимизнинг етакчи радиотўлқинлари узра тингловчиларга армуғон қилишди. Ижобий фикрлар билан кутиб олинган мусиқий асар "Келин салом" деб номланади. Қўшиқ Элдор Қаюмов билан ҳамкорликда ёзилган. Аранжировка муаллифи Ботир Алиев. Умид қиламизки, бу композиция халқимизга ёқади ва талабгор қўшиқлар қаторидан жой олади.