Хонанда Будур янги видеоклип суратга олдирди

Ёш ва истеъдодли хонанда Будур яқиндагина  “Ёндирма” деб номланган қўшиғини халқимизга намойиш қилган эди. Айни дамда ўз тингловчиларини топиб улгурган бу қўшиққа хонанда видеоклип тасвирга олдирди.

 Ёдгор Носиров режиссёрлигида суратга олинган видеоклипда Будур бир нечта такрорланмас образларда намоён бўлади. Клип ғояси устида хонанда ва режиссёр  биргаликда ишлаган. Шунингдек, Будур клипдаги образларини яратишда  Лидие Андре билан ҳамкорлик қилди. Рақсларни эса Нариман Григорян саҳналаштирган.  Рассом Баҳриддин Шамсутдинов. Ҳозир видеоклипни суратга олиш  жараёнидан тақдим этилган фотосуратларни томоша қилишингиз мумкин. Тез кунда эса клип премьераси!