Муниса Ризаева хоразмча қўшиқ куйлаб, унга клип суратга олдирмоқда

Эстрадамизнинг ёрқин юлдузларидан бири Муниса Ризаева бугун янги видеоклипни суратга олиш ишларини ўз ижодий жамоаси билан бирга бошлаб юборди. “Лол қоламан” номли мазкур композиция хоразмча йўналишда куйланган бўлиб,  хонанда шу қўшиқнинг йўналишидан келиб чиққан ҳолда унга мос клип тасвирга олдирмоқда.

Трек ва сюжет жанридаги клип Нозим Жумаев режиссёрлигида тасвирга туширилмоқда. Унда кўплаб истеъдодли актёрлар билан бирга ёш ижодкорлар ҳам иштирок этмоқда. Видео асарда Муниса Ризаевани кутилмаган образда кўрасиз ва унга бу имиджни яратишда Ҳилола Шер яқиндан ёрдам бермоқда. Шунингдек у раққосалар билан бирга хоразмча рақсга тушди. Унинг бу ижро маҳоратига клипни томоша қилиб ўзингиз баҳо беришингиз мумкин. Ҳозирча, клип жараёнидан тақдим қилинган фотосуратларни томоша қилинг ва тез кунда видеоклипни кутиб қолинг.