"Сингилларим" фильми учун саундтрек
Бугун сайтимиздан жой олган "Сингилларим" номли видеоклип ёш режиссёр Сайфиддин Файзиев томонидан суратга олинган қисқа метражли кинофильм учун яратилган саундтрек, у эстрадамиз юлдузлари томонидан ижро этилган. Тез кунларда премьераси кутилаётган "Сингилларим" фильми бугунги кундаги оилавий муаммолар, меҳр-оқибат ва ака-сингиллар ўртасидаги муносабатлар ҳақида бўлиб, катта тарбиявий аҳамиятга эга кинокартина, дея оламиз.
Эътиборингизга тақдим этилган саундтрекни эстрада хонандалари Достон Убайдуллаев, Самандар Ҳамроқулов, Ғайрат Усмонов, Абдурашид Йўлдошев, Жасурбек Мавлонов, Сардор Мамадалиев, Шербек Шодиев ҳамда Сайфиддин Файзиевлар ижро этишган. Таронанинг матни Шарофиддин Болтабоев томонидан ёзилган, бастакор Жасурбек Мавлонов, Аҳлиёр Азимов эса мусиқий сайқал берган.
Яқин кунларда "Сингилларим" кинофильми ҳақида батафсил маълумотлар бериб, ижодкорлари билан таништирамиз. Бугун эса унга ишланган саундтрекни томоша қилишни таклиф этамиз.