Озодбек Назарбеков янги видеоклип суратга олдирди

 

Ўзбекистон халқ артисти Озодбек Назарбеков  апрель ойида ўтказилиши режалаштирилган концерт дастурига тайёргарлик кўриш билан бирга, янги видеоклип устида ҳам иш олиб бормоқда. 

 

Хонанданинг Лутфий ғазали билан куйланган янги қўшиғига видеоклип суратга олинди.  “Жиги-жиги” деб номланган ва бугунги кунда халқимиз орасида анча оммалашган таронага яратилаётган клипда ёш актёрлар жамоасини кўришингиз мумкин.  Тасвирга тушириш ишлари “Мени кучлироқ сев” клипи устида ишлаган “9999” студиясига топширилди. Тез кунда мазкур клип мухлислар эътиборига ҳавола этилади. Шундай экан, кузатишда давом этинг.