Инстаграмда нима гап?
Маълумки, биз инстаграм ижтимоий тармоғидаги энг сара хабарларни сайтимиз орқали тақдим этиб келмоқдамиз. Инстаграм ижтимоий тармоғи бугун ҳар бир соҳа вакилининг ажралмас бўлагига айланиб улгурган. Энг катта янгилик ва реклама майдони десак муболаға бўлмайди. Санъат олами вакиллари билан мухлисларни боғлайдиган энг қисқа кўприкка айланган инстаграм оламида шу кеча – кундузда нима гап, биргаликда кузатамиз!
Муниса Ризаева навбатдаги альбомини ёзмоқда
Шоу-бизнес оламининг шаддод хонандаси Муниса Ризаева янги альбом устида овоз ёзиш ишларини бошлаганлиги ҳақида ўзининг инстаграм ижтимоий тармоғидаги саҳифаси орқали маълум қилди. Тез кунда “Манбоп” таронаси учун ишланган видеоклипини тақдим этиш арафасида бўлган хонандага омад тилаб қоламиз.
Шоҳруҳхон янги альбомининг илк қўшиғи номини ошкор этди
Эстрадамизининг ёқимтой хонандаларидан бири Шоҳруҳхон янги альбом ёзиш бўйича тайёрганлик олиб бораётгани ҳақида маълум қилган эди. Куни кеча у инстаграм ижтимоий тармоғи орқали мазкур аьбомни ёзиш ишларини бошлаб юборганлиги ва ундан жой оладиган илк қўшиқни номини ошкор этди. “Азиз дўстлар. Биз ижодий гуруҳимиз билан янги альбом ишларини бошлаб юбордик. Албомдан илк қўшиғимизни яқин кунларда сизларга тақдим этамиз. Қўшиқ номи “Гўзалина – Маликам”” – дея изоҳ қолдирди Шоҳруҳхон инстаграм тармоғига жойлаган фотосуратида.
Уммон гуруҳидан "соат 7да"
Уммон гуруҳи вакиллари яқин кунларда янги қўшиқ тақдим этишни режалаштирганини маълум қилди. “Соат 7да” деб номланган мазкур композиция ҳали чиқиб улгурмасиданоқ номи билан барчани эътиборини тортган. Демак, тез кунда севимли гуруҳингиздан янги таронани кутиб қолинг.
Инстаграм оламида aна шунақа гаплар! Кузатишда давом этинг.