Каниза янги фильмда суратга тушмоқда

Айни кунларда ижод уммонига шўнғиган Каниза мухлисларини хушнуд этиш ниятида бир қатор  лойиҳалар устида ишламоқда. Хонанданинг маълум қилишича, у яна бир янги фильмда суратга тушмоқда. Номи сир тутилаётган картинанинг яратилишига ва ценарийси ёзилишига ҳам Канизанинг ўзи сабабчи бўлган.

Бу ҳали ҳаммаси эмас. Канизанинг сўзларига қараганда, ҳозирда янги қўшиқ ёзиб тугалланди. Тез кунда “Ўзбегим Таронаси” радиоси ва www.popcorn.uz сайти орқали намойиш қилишни мўлжалламоқда. “Ўйламай” деб номланган мазкур тарона хонанданинг йўналишидан буткул ўзгача услубда яратилган. Бу мусиқий асар чуқур маънога эга ва тингловчини бефарқ қолдирмайди. Демак, севимли хонандангиздан янги тарона ва кинофильмларни кутиб қолинг.