Дурдона Тўлагановадан янги фильм “Кореядаги муҳаббат”

Ўзининг бир нечта картиналари билан кино ихлосмандлари қалбидан чуқур жой эгаллаган Дурдона Тўлаганова бир нечта янги фильмлар устида иш олиб бормоқда. 

Тез кунда “Мени кечир” деб номланган кино асари катта экранларга чиқиши кутилаётган бўлишига қарамай, навбатдагисига қўл урди. Ишчи номи “Кореядаги меҳмон” бўлган мазкур картинанинг суратга олиш жараёни  ўзбек халқининг севимли сериали бўлган “Қиш сонатаси”, “Сарой жавоҳири” каби фильмлар тасвирга туширилган жойларда бўлиб ўтмоқда.

Фильмда бош ролларни “Кореялик келин” киноси орқали таниш бўлган Дилдора Ҳашимова ҳамда ёш ва умидли хонанда Dj Yamin ижро этмоқда. Бундан ташқари  Зуҳра Ашурова, Барно Қодирова, Муяссар Бердиқулова, РИхситилла Абдуллаев, Ситора Алимжонова, Муқаддас Саъдуллаева, Жаҳонгир Тўлқиновлар ҳам қизиқарли образларни яратишмоқда. Оператор Шерзод Умаров.

Айни дамда Кореяда қизғин кечаётган тасвирга олиш жараёнларидан тақдим этилган фотосуратлардан баҳраманд бўлинг ҳамда янгиликларни кутиб қолинг.