“Мен ёлғончиман”

Ўзбек кино оламидаги фильмлар қаторига  борган сари янги картиналар қўшилмоқда. Бу албатта яхши, Сабаби томошабинда танлаш имкони билан бирга кино соҳаси ривожланиб бораётганидан дарак. Улар киноихлосмандларини бефарқ қолдирмай, ўз томошабинларини топиб келмоқда.  Халқимиз учун тез кунда яна  бир янги комедия тақдим этилади. “Мен ёлғончиман” деб номланган янги фильмнинг суратга олиш олиш жараёнлари якунланди. Айни дамда монтаж ишлари қизғин кечмоқда. 

Беҳзод Жониев режиссёрлигида тасвирга олинган мазкур картинанинг оператори Умид Маликов, продюсер Дадахон Обидов. Бош ролларни Муҳаммадисо Абдулхайиров, Севара Солиева, Дадахон Обидов ижро этган. Бундан ташқари Жумадилла Раметов, Шоҳида Узоқова, Дилбар Икромова, Азиза Бегматова, Мадина Мухторова, Азиз Раметов,  Бегзод Мирзаев ва бошқалар иштирок этган.

Мазкур кинода ёлғоннинг оқибатлари, ёлғон барибир фош бўлиши комедик жанрда кенг ёритиб берилган. Кино режиссёрининг сўзларига қараганда, бу кинони кўрганлар умуман ёлғонни ишлатмаслиика қарор қилади. Фильм намойиши октябрь ойининг сўнгида бўлиб ўтиши режалаштирилган.