Наргиз “Ҳамён ака”си билан ижодга қайтди

Ўзбек шоу-бизнеси оламида бир нечта дилтортар тароналари билан кириб келиб, халқимиз назарига тушган хонанда Наргиз ижодий танаффусга якун ясаб, ўзгача шижоат ва куч-ғайрат билан яна санъат оламига қайтди.

Ўзининг “Наргиз” таронаси билан халқ орасида шуҳрат қозонган бу ижодкор айни дамда янги ғоялар устида иш олиб бормоқда. Бир нечта янги тароналарни ёзиб тугаллашга улгурган Наргиз, видеоклиплар устида ҳам бош қотирмоқда. Ана шундай янги тароналаридан бири бугун "Ўзбегим таронаси" радиоси орқали мухлислар ҳукмига ҳавола этилди. Тингловчилар томонидан кутиб олинган “Ҳамён ака” деб номланган бу композициянинг сўзи Якзонга, мусиқаси ва аранжировкаси маҳоратли композитор Жасур Абдураҳмоновга тегишли.

Бу қўшиққа Наримон Султонхўжаев режиссёрлигида видеоклип ҳам суратга олинган. Марҳамат томоша қилинг ва баҳо беринг.