Алишер Тайр “Онажонгинам” клип яратилишига туртки бўлган воқеа асосида

Истеъдодли ва серқирра ижодкор Алишер Тайр яратган, таниқли хонандалар томонидан ижро этилган бир неча тароналар хит даражасига кўтарилгани сир эмас. Ўзи яратган композицияларни хонанда сифатида ижро этишни бошлаганига кўп бўлмаган бўлса-да, тингловчилар томонидан унинг ҳар бир таронаси илиқ кутиб олинаётган ижодкор яқинда “Онажонгинам” номли дардли таронасини премьера этганди.

Бугун мазкур қўшиқ учун яратилган видеоклипни эътиборингизга ҳавола этмоқдамиз. Ҳикматилла Пиржонов томонидан тасвирга олинган клип сюжет жанрида бўлиб, ундаги бош ролни режиссёрнинг ўзи ижро этган.

“Онажонгинам” қўшиғи премьера этилганида, унинг яратилишига туртки бўлган воқеани, яъни хонанданинг яқин дўсти онасидан айрилишидан таъсирланганини айтиб ўтганди. Алишернинг маълум қилишича, унинг дўсти клип режиссёри экан. Суратга олиш ишлари якунланганидан сўнг монтаж жараёнларида иштрок этолмаган режиссёр, ҳатто видеоклипнинг тайёр ҳолини томоша қилмабди. Она меҳрини, унинг азиз ва мўътабарлигини ифодаловчи клип сюжетини томоша қилиб, меҳрибонларимизнинг қадрига етишимиз ва уларни эъзозлашимиз лозимлигини яна бир карра ҳис қиламиз.

Сиз ҳам томоша қилинг ва ҳолис фикрларингизни билдиринг.