Нилуфар ва Dj Piligrim дуэтига ишланган клип тайёр ҳолга келди
Эстрадамизнинг ёқимтой хонандаларидан бири Нилуфарнинг навбатдаги дуэт таронаси учун клип тасвирга олинаётгани ҳақида аввал хабар бериб ўтгандик. Бугун эса мазкур видеоклипни томоша қилишингиз мумкин бўлади.
Истеъдодли ижодкор Dj Piligrim билан ҳамкорликда куйланган “Дилим” дуэти радиотўлқинлар орқали жаранг сочиб, мухлисларга манзур бўлган эди. Айнан ана шу тарона учун Тимур Примқулов режиссёрлигида яратилган видеомаҳсулотни томоша қилиб, ёқимли тарона оғушида ҳаёлот оламига саёҳат қиласиз.
Dj Piligrim сўзи ва мусиқаси асосида яратилган “Дилим” дуэти учун аранжировкани Жасур Бадалбоев амалга оширган.
Ҳам трек, ҳам сюжетни ўз ичига олган бу видеоклип Тошкент вилоятида тасвирга олинган бўлиб, унда табиатнинг гўзал манзаралари акс этган.
Марҳамат томоша қилинг ва ҳолисона фикр билдиринг.