Жаҳонгир Позилжоновдан шов-шувли клип
Бугунги кунда ўзига хос йўналишдаги қўшиқлари ва клиплари орқали минглаб мухлислар қалбидан мустаҳкам жой олган Жаҳонгир Позилжонов яна бир хазиломуз тарзда ёзилган таронани тақдим этмоқда.
Жаҳонгир Позилжонов бу сафар оғир вазнли инсонларни мадҳ этишни мақсад қилди ва “Бақалоқ” номли қўшиқни ёзди. Бу борада ижодкор Бобур Умаров билан ҳамкорлик қилди. Шу тариқа, хазиломуз сатрларга бой тарона дунёга келди.
Жаҳонгир Позилжоновга хос бўлган йўналишдаги тарона учун видеоклип ҳам суратга олингани ҳақида маълум қилгандик.
Жавлон Шодмонов режиссёрлигида Жонрид Сагдиев томонидан тасвирга олган клип тарона билан биргаликда эксклюзив равишда тантанали “POPCORN” тақдимот маросимида премьера қилинганди. Концерт дастурига ўзгача файз ва қувноқ кайфият баҳш этган Жаҳонгир Позилжоновнинг чиқишига олқишлар тинмаганди.
Бугун ана шу қўшиқ ва клипни эътиборингизга ҳавола этамиз. Жаҳонгир Позилжоновнинг янгича кўриниши юзингизга табассум ҳадя этиши, шубҳасиз. Клипни сайтимиз орқали хозироқ томоша қилинг ва кайфиятингизни 101 даражага кўтаринг!