Дилфуза Раҳимовадан узоқ кутилган клип премьераси
Узоқ муддатли танаффус вақтида мухлисларни соғинтирган Дилфуза Раҳимова ваъдасига мувофиқ янги видеоклипини бугун сайтимиз орқали туҳфа этмоқда.
Яқинда “Ўзбегим Таронаси” радиоси орқали тақдим этилган “Ле-ле-ле” таронасига суратга олинган видеоклип тайёр ҳолатга келди.
Мазкур тарона ёшларбоп йўналишида ёзилган бўлиб, бугунги кунда инсониятнинг интернет ва мобиль телефонларга бўлган муносабати ҳақида сўзлайди.
Қўшиқнинг матн ва мусиқа муаллифи Суҳроб Раҳимов бўлиб, клип Дилмурод Агзамов томонидан суратга олинди.
Қизиқарли сюжет тасвирланган клипда Ўзбекистонда хизмат кўрсатган артист – Дилфуза Раҳимовани янгича образда кўришингиз мумкин. Шунингдек, клипда бир қатор актёр ва актрисалар ҳам иштирок этган.
Клипни томоша қилиб, кайфиятингизни кўтарилса, ажаб эмас.
Шу сабаб ҳам хозироқ Дилфуза Раҳимованинг “Ле-ле-ле” таронасига ишланган янги видеоклипни томоша қилишни тавсия этамиз.