Райхон янги видео тайёрламоқда
Айни вақтда оналик бахтидан баҳра олаётган Райхон ижодда ҳам кетма-кет янгиликлар тайёрлашдан тўхтамаган.
Хонанда яқинда “Не бўлар?” номли таронани ёзиб тугатди. Шўх ва рақсбоп оҳангга эга мазкур таронанинг мусиқасини шахсан Райхоннинг ўзи басталаган. Тез кунларда қўшиқ “Ўзбегим Таронаси” радиосида премьера қилиниши маълум қилинди.
Шу кунларда эса мазкур тарона учун видеоклип ҳам суратга олинди. Ҳам сюжет, ҳам трек йўналишида бўлиши кутилаётган клипнинг тасвирга олиш жараёнидан олинган фотосуратларни эътиборингизга ҳавола этамиз.
Давлат Арабшоев томонидан тайёрланаётган клип учун сюжет ғоясини Райхон ва бутун ижодий жамоа биргаликда ёзишган.
Тасвирга олиш ишлари Тошкентнинг турли масканларида олиб борилди. Қўшиқ премьера қилингач, видеоклип сайтимиз орқали тақдим этилади.
