Божаларнинг "Бало"си

Санъатимизда ўз услуби ва йўналиши билан бошқа хонандалардан ажралиб турадиган Жаҳонгир Позилжонов ва Божалар гуруҳи яна бир янги лойиҳага қўл урди. Улар куни кеча янги қўшиқ учун видеоклип суратга олишди. "Бало" деб номланган мазкур тарона оҳангларидан грузин лезгинкасига ўхшаб кетади. Сўзи Шахбозга, мусиқаси ва аранжировкаси  Ботир Алиевга тегишли. Клип режиссёри Муҳибилло Убайдуллаев. Тасвирчи Шерзод Умаров.  Видео асар ҳар доимгидек комедик жанрда. Клипда Божалар гуруҳининг ҳамма клипидан лавҳалар келтирилган бўлиб, у графика билан бойитилади.