Янги ном ва янги овозлардан бири Дилшодбек Юнусов "Заҳарча" видеоклип премьераси

Ижодини бошлаганига кўп вақт ўтмаган бўлса-да, дилга яқин тароналари билан анча кўзга кўринган ёш ижодкор Дилшодбек Юнусов яқиндагина янги видеоклипини мухлисларига янги йил байрамига совға тариқасида тақдим этди.

Унга қадар “Гуландон” ва “Бошингда рўмол” каби клиплари телеканалларда намойиш этилиб, кўпчилик томонидан илиқ фикрлар эшитган хонанда янада илҳомланган ҳолда ижодини давом эттирмоқда.

 

 

 

 

 Доимий ижодий ҳамкорлари Фурқат Бобожонов, Ботир Алиевлар билан бирга миллий ва замонавий эстрада йўналишини уйғунлаштирган ҳолда ижод қилаётган Дилшодбек Юнусов яқин кунларда яна бир янги қўшиғини тингловчилар диққатига ҳавола этиш ниятида.

 

 

 

 Бугун эса эътиборингизга тақдим этилаётган видеоклип “Заҳарча” деб номланиб режиссёр Баҳтиёр Турғунов томонидан суратга олинган. Ҳуршид Дарвешев сўзи Фурқат Бобожонов мусиқаси билан яратилган “Заҳарча” таронаси шўх, хазиломуз тарзда бўлиб, у ҳам аввалгилари каби мухлислар қалбидан жой олади, деган ниятдамиз.