ФАРҲОД ВА ШИРИН КЕТМА-КЕТ КОНЦЕРТ БЕРМОҚДА

Яқиндагина Фарғонада концерт дастурини тақдим этган Фарҳод ва Ширин эндиликда Республика бўйлаб гастроль сафарларини давом эттиришга киришди.

Май ойи давомида Навоий, Қашқадарё ва Самарқанд вилоятларида ўзининг концерт дастурларини тақдим этади. Марҳамат, Фарҳод ва Шириннинг вилоят бўйлаб уюштираётган концерт дастури билан танишинг.
9-май куни Навоий вилоятининг Учқудуқ ҳамда Зарафшон шаҳарларида, шу ойнинг 23 ва 24-саналарида эса Навоий шаҳрида. 21-22-25 май кунлари Самарқанд вилоятида, кунига икки маҳал. 13-май куни эса Қашқадарё вилоятининг Китоб туманида концерт дастурларини тақдим этишади.

Ижодкорларнинг маълум қилишича, айни кунларда иккита янги тарона ҳозирланмоқда. Бири шўх ва рақсбоп, иккинчиси сокин тарона бўлиши кутиляпти.

Шунингдек, Фарҳод ва Ширин “Севгилим” ҳамда “Самарқанд – Бухоро” тароналарига ҳам тез кунларда клип суратга олиниши режалаштирган.

Демак, яқин кунларда эксклюзив тарзда Фарҳод ва Шириндан икки янги қўшиқ ва икки янги видеоклипни қарши оласиз. Бизни кузатишда давом этинг.