Хонанда Шаҳзода “BIG APPLE MUSIC AWARDS 2016” тақдимоти иштирокчиси этиб тан олингани маълум бўлди.
Бир неча йиллардан буён дунё миқёсида ўтказиб келинаётган “BIG APPLE MUSIC AWARDS”нинг жорий йилдаги номинантлари қаторига эстрадамизнинг бетакрор юлдузи Шаҳзоданинг номи ҳам киритилди.
2004 йилдан буён ҳар йили ўтказиладиган ва шу йили Дубай шаҳрида 23-сентябр куни Madinat Jumeirah комплексида бўлиб ўтади. Мазкур мусиқий тақдимотида бутун дунё давлатларидан энг машхур хонандалар иштирок этишади. Эстрадамизнинг ёрқин юлдузи Шаҳзоданинг қанташиши катта шарафдир.
Бу нуфузли тақдимот орқали Шаҳзода ватанимиз номи ва санъатимизни дунёга танилишида яна бир карра ўз ҳиссасини қўшади.
Эслатиб ўтамиз, 2011-йилда ҳам хонанда Шаҳзоданинг номзодлиги “BIG APPLE MUSIC AWARDS” тақдимотига қўйилган ва ғолибликни қўлга киритган. Бу эса дунё мамлакатлари бизнинг санъатимизга бефарқ эмаслигидан яна бир бор далолат беради.
Демак, биргаликда хонандани қўллаб-қувватлаймиз ва улкан зафарлар тилаб қоламиз.
Мазкур тақдимот ҳақида тўлиқ маълумотга http://www.bigapplemusicawards.org/ манзили орқали эга бўлишингиз мумкин.