"Юрак йиғлар" фильми яна катта экранларда!

Май ойида кино мухлисларига тақдим этилган "Юрак йиғлар" фильми яқин кунларда яна премьерага тайёрланмоқда. Кўп сонли кино шинавандаларининг талабига биноан мазкур картина яна бир бор катта экранларда намойиш этилади. 

Хабарингиз бор, "Юрак йиғлар" фильмининг сценарийси истеъдодли ижодкорлар Сарвар ва Комилга тегишли. Картинада ҳам бош ролларни мазкур ижодкорлар ижро этишган, бундан ташқари, фильмда истеъдодли актёр Баҳрул Қурбонов, ёш ижодкор Парвиз ва Зарина Низомуддинова ҳам ўзига хос образларда намоён бўлишган. 

 

Картина сюжети муҳаббат учбурчагига асосланган бўлиб, ғурур, муҳаббат, дўстлик каби туйғулар таъсирчан руҳда тасвирланган. 

Фильм романтика, тасодифлар, кутилмаган воқеалар ва ечимга эгалиги билан томошабинлар эътиборига тушган. Актёрлар жамоаси ёш бўлса-да, топширилган вазифа маҳорат билан амалга оширилган.

Картина продюсерлари Хуршид ва Миршод Ражабовлар 30-январь куни яна барчани премьерага чорлаб қолишади...