Nilufar Usmonova bilan “Tushlar vodiysi”ga sayohat

Noyabr oyida yakkaxon konsert dasturini taqdim etadigan xonanda Nilufar Usmonova muxlislarini yangi ijod mahsullari bilan quvontirishda davom etadi.  Xabaringiz bor, u bir necha kun oldin “Tushlar vodiysi” nomli tarona va klipini taqdim etgan edi.

 Endilikda esa Nilufar Usmonova “Erkalaydi” nomli musiqiy asarini muxlislariga armug’on etish niyatida. Xonandaning bergan ma’lumotiga ko’ra, yaqin kunlarda premyerasi rejalashtirilayotgan qo’shiqqa videoklip suratga olish ham ko’zda tutilgan. Unda bosh rolni Nilufar Usmonova bilan birga, yaqin do’sti, aktyor, food bloger Jamshid Bobojonov ijro etishi kutilmoqda. Demak kutib qoling.