Гулсанам Мамазоитова Хоразмда янги клип суратга олдирди

Ўзбекистон халқ артисти Гулсанам Мамазоитова тез кунда мухлисларини янги тароналар, клиплар билан қувонтиради. Хонанда энг қисқа фурсат ичида намойиш этилиши кутилаётган янги қўшиғига видеоклип суратга олдирди. Тасвирга тушириш ишлари Хоразмда бўлиб ўтди. Тарона номи «Хўжик». Ушбу мусиқий асарнинг сўзи ва мусиқаси Асқар Дунё томонидан ёзилган. Шерзод Абдуллаев томонидан эса мусиқаси сайқалланган. Клип режиссёри эса Шухрат Мавлонов. Демак тез кунда кутиб қолинг.