Жаҳонгир Аҳмедов ижодий жамоаси билан янги тарихий фильмга қўл урди

Сана: 17.05.2022 2648 қайноқ

Маҳоратли кинорежиссёр Жаҳонгир Аҳмедов янги «БАҲОДИР ЯЛАНГТЎШ» тарихий фильми устида иш бошлаганини маълум қилди. «Қаҳрамонимиз кўпчилик учун нотаниш, аммо танишимизга , у билан фахрланишимизга арзийдиган тарихий шахс.

Регистон ансамбли бунёдкори, Самарқанд амири, Бухоро хонлигининг саркардаси БАҲОДИР ЯЛАНГТЎШ образини ижро этиш қайси актёрга насиб этишини ҳали вақт ва катта кўламдаги ФОТО-ВИДEО СИНОВлар кўрсатади. Олдинда бутун Ўзбекистон бўйлаб ўтказиладиган КАСТИНГ жараёнлари турипти. Тарихий фильм яратиш мураккаб ва масъулиятли. Буни тўлиқ ҳис қилган ҳолда ишга киришаяпмиз. Дуо қилиб турасизлар.» – деди кинорежиссёр Жаҳонгир Аҳмедов қолдирган хабарида. Айни дамда Самарқандда бўлган режиссёр, бош қаҳрамон учун ҳали ўнлаб актёрлар ўртасида фото ва видео синовлар ўтказилишини, шунингдек, вилоят театрларига алоҳида эътибор берилишини таъкидлаган.