Озода Нурсаидовадан янги дуэт премьераси тез кунда

Халқимиз севган санъаткор Озода Нурсаидова хабарингиз бор яккахон концерт дастурига ката тайёргарлик кўрмоқда. Шу билан бирга, янгиликлар устида ишлашда давом этмоқда. 

Яқин кунларда намойиш этиладиган видеоклип ҳам сўзимизнинг исботидир. Дуэт қўшиқ ёзгани ҳеч кимга сир эмас. Унинг дуэтдоши ёш ижодкор, интернет оламига кайфият улашувчи видеолари билан танилган Лиил яъни Озод Ҳурамов. Тарона номи «Миллион». Тасвирга тушириш жараёнлари жудаям қизиқарли ўтган мазкур видео асар томошабинларни бефарқ қолдирмаслиги тайин. Шундай экан кутиб қолинг. Биз эса ҳар икки ижодкорга ҳам омад тилаймиз.