“Тарона шоу” янги йил галаконцертидан батафсил

23-24 декабрь куни “Халқлар дўстлиги” санъат саройида “Тарона шоу” янги йил гала концерти бўлиб ўтди. Ҳар йили одатга айланган мазкур дастур жорий йилда ҳам томошабинларга муносиб совға бўлди десак муболаға бўлмайди. Концертда мухлисларнинг севимли хонандалари билан бирга, ёш истеъдод эгалари ўзларининг сара қўшиқлари билан янги йил билан қутлашди. 

Дастур болалар рақс гуруҳининг чиқиши ва Даврон Эргашев ҳамда Аббоснинг Лейли таронаси билан бошланди. Сўнгра бирин кетин эстрадамиз юлдузлари ва умидли ижодкорлар саҳнага таклиф этилди. Жумладан Райҳон “Шинанайда ёрим”, Нилуфар Усмонова “Хатлар ёзмайман”, Муниса Ризаева “Етмадими”, Божалар “Ғайра ғайра", Зиёда “Тор кўча”, Беном “Гулим” ва “Ошиғингман” номли ҳит қўшиқларини ижро қилган бўлса,   “Бинардин “Диламо”, Азиза Низамова “ “Севгимиз”, Руи Замин “Дўст”, Виа Мароканд “Оввора”,  Умидахон “Божалар попури” Афруз гуруҳи “Ким оладиё” қўшиқларини куйлашди. Бундан ташқари ёш ижодкорлар ҳам сара ижод маҳсуллари билан иштирок этиб, мухлисларга яхши кайфият улашишди.

Дастурни Дилмурод Ғуломов ва Раъно Алимова олиб боришди. Раксларни Шодиёна ракс ансамблининг раққос-раққосалари ижро қилишди.