"Ибрат" фильми халқаро кинофестиваль мукофоти билан тақдирланди

Кинематография агентлиги буюртмасига биноан Жаҳонгир Қосимов режиссёрлигида суратга олинган "Ибрат" тарихий-бадиий фильми Австралияда ўтказилган "Халқаро мусулмон киноси" фестивалида "Энг яхши тўлиқ метражли бадиий фильм" номинацияси бўйича мукофотланди. Кинокартина буюк маърифатпарвар олим, моҳир таржимон ва тилшунос Исҳоқхон Ибрат ҳаёти ҳақида яратилган. Эслатиб ўтамиз, фильмда Фарҳод Маҳмудов, Шаҳзода Матчонова, Саидкомил Умаров ва бошқалар иштирок этишган.