Умидахон Фаррух Зокиров билан дуэт куйладими?

Истеъдодли хонанда Умидахон ижодий янгиликлари билан бўлишди. У овоз ёзиш студиясидан улашган видеосида устоз санъаткор Фаррух Зокиров кўриниш берди. 

"Санъатимизнинг тирик афсонасидан мастер класс олиш  катта орзу эди. Улар билан бир жамоада ижодий жараён ичида бўлиш мен учун ҳақиқий дарс бўлди. Янги ижод маҳсулимизни кўриб турганингиздек санъатимиз дарғалари назоратида ёздик. Тез кунларда тақдим этамиз.  Азизларим Фаррух Зокиров билан дуэтга нима дейсизлар?" - дея мухлисларига мурожаат қилган хонанда, устоз санъаткор билан дуэт куйлаш орзусида эканини билдирди. Умидахондан янги ижод маҳсулларини кутиб қоламиз.