Афруз гуруҳидан янги қўшиқ премьераси

Истеъдодли ижодкорлардан иборат бўлган Афруз гуруҳи янги таронаси билан мухлисларини хушнуд қилди. Мусиқий асар "Ҳабибам" деб номланади. Қўшиқ юртимизнинг етакчи радиотўлқинлари орқали жаранг сочди ва тингловчилар томонидан илиқ кутиб олинди. Хонандалар мазкур ижод маҳсулини Фарҳод Мақсудов сўзи ва мусиқаси билан яратишди. Аранжировка муаллифи эса Жасур Бадалбоев. Афруз гуруҳи ижросидаги "Ҳабибам" қўшиғи умид қиламизки, мухлисларга ёқади ва уларнинг севимли тароналаридан бирига айланади.