Ирода Дилроз янги қўшиғини тақдим этди

Хушовоз хонанда Ирода Дилроз ҳам янги таронасини халқимиз ҳукмига ҳавола этди. “Сен яшагин” деб номланган қўшиқ Иброҳим Жиянов сўзи билан ёзилган бўлиб, унга мусиқани Шуҳрат Зокиров басталаган. Композиция мухлислар қалбидан муносиб ўрин олишига хонанда катта умид боғлаган. Ушбу мусиқий асар Ирода Дилрознинг репертуаридаги сара тароналар каби талабгор ижод маҳсулларидан бири бўлишини тилаймиз ва премьералар давомий бўлсин деймиз.