Дилсўздан узоқ кутилган премьера

Аввалги хабарларимиз орқали хонанда Дилсўз бир нечта қўшиқлар ёзаётгани ҳақида айтиб ўтган эдик. Ана шу тароналардан бири бугун оммага тақдим этилади. Мусиқий асар “Дада” деб номланади. Оталар эътироф этилган композиция нафақат Дилсўзнинг мухлисларига, балки, барчага бирдек манзур бўлиши шубҳасиз. Биламизки, деярли ҳамма хонандаларнинг репертуарида оналар ҳақидаги ижод маҳсуллари бор. Аммо оталар ҳақидаги қўшиқлар борасида бу фикрни айта олмаймиз. Шунинг учун ҳам дадалар эътироф этилган мусиқий асарлар ўз тингловчиларини топиб, қисқа вақт ичида талабгор қўшиқлар қаторидан ўрин олади. Дилсўзнинг янги ижод намунаси ҳам ана шундай хит тароналардан бўлсин деймиз.