Даврон Зайнутдиновдан узоқ кутилган тарона

Хонанда Даврон Зайнутдинов ҳам ижодидаги танаффусга чек қўйиб, яна мухлисларини қувонтиришга киришди. Ҳаттоки, янги қўшиқ ёзиб, клип тасвирга олдиришга ҳам улгурди. Бугун унинг  “Зулфия” номли мусиқий асари юртимизнинг етакчи радиотўлқинлари орқали премьера қилинади. Қолаверса, тарона учун ишланган клипни ҳам намойиш этиш арафасида. Ҳамдам Собиров билан ҳамкорликда ёзилган мазкур композицияга Сардор Зоиров томонидан мусиқий сайқал берилган. Демак, Даврон Зайнутдиновнинг янги ижод маҳсулидан бир неча соатлардан сўнг биргаликда баҳраманд бўламиз. Хонандага омад тилаймиз.