Ҳарбийлар ҳақида фильм суратга олинади

“Ўзбеккино” Миллий агентлиги буюртмасига биноан Ҳилол Насимов режиссёрлигида 2 қисмдан иборат “Чегара” бадиий фильми ишлаб чиқарилади. Фильм ҳарбийлар ҳаёти ҳақида бўлиб, унда қора кучларга қарши олиб борилаётган қаҳрамонона курашлар ҳақида ҳикоя қилинади. Шунингдек, бағрикенглик, тинчлик, қўшни давлатлар билан дўстона муносабатлар каби мавзулар сюжет занжиридан ўрин олган. Суратга олиш ишлари юртимиз ҳамда Афғонистон,Тожикистон давлатларининг чегара ҳудудларида ҳам олиб борилиши режалаштирилган. Ҳозирда фильмни суратга олиш учун тайёргарлик жараёнлари кетмоқда.

“Ўзбеккино” Миллий агентлиги ахборот хизмати